spjallid.is

Ég fékk þá hugmynd um daginn að breyta gamalli playstation 1 vél sem ég á uppi á lofti í media center.

Hvernig væri best að fara að þessu? Hvaða vélbúnað þyrfti ég (sem passar í svona lítinn kassa) til að láta þetta ganga upp?
Myndi vilja geta keyrt xbmc/plex og spilað af geymsluserver sem verður líklega staðsettur á háaloftinu fyrir ofan stofuna.

Ég er ekkert smeykur við að skera úr fyrir utanáliggjandi tengjum og gera aðrar svávægilegar breytingar á kassanum en ég myndi vilja láta þetta líta út eins og orginal PS1

Öll hjálp og athugasemdir vel þegið. Hef ekki stórt bugdet en vil gera þetta vel eg ég á annað borð reyni.

Þetta er svona kassi, bara svo það fari ekkert á milli mála:

Kúl hugmynd! Lengi langað að gera e-ð svona sjálfur. Hafði þá hugsað mér að kaupa e-rja Intel NUC vél og spaða hana í svona, pínulítil helvíti með þvílíkt performance.

Var lengi að pæla að í að finna gamla NES vél en þær eru bara ekki á hverju strái lengur...og ég er ekki viss um að ég myndi tíma að skera svoleiðis í sundur heldur

Ef þú nennir að spreyja hana þá var þetta flottasta útgáfan af Playstation 1 http://en.wikipedia.org/wiki/Net_Yaroze

Ég mæli líka með að þú skoðir "Playstation scph 1002 mod" margir sem hafa tekið sig til og moddað tölvurnar sínar sem high-end geislaspilara og gert kassana fallega í leiðinni. Gætir fengið hugmyndir af því að renna í gegnum það, nokkrar mjög flottar og þú gætir gert eitthvað svipað með mini-itx.

Ef þú ætlar að gera PC mod þá mæli ég allavega ekki með svona slátrun, þú gætir t.d. endurvírað controller tengin fyrir USB.
http://www.overclock.net/t/1220925/project-playstation-1-mini-itx-htpc

Einnig ef þú ætlar að henda innvolsinu og það virkar, reyndu þá að skemma það ekki ef einhver hefur ahuga á að kaupa það af þér fyrir smá klink.

Ég er á báðum áttum hvort ég ætti að spreyja svart. Það myndi fara vel við sjónvarpið og magnarann sem er í hillunni við hliðina en hins vegar er grái liturinn mun trúverðugri ef þetta á að líta orginal út.

En vá hvað hann skar illa úr þarna í seinni linknum ég myndi aldrei sætta mig við svona lagað

Væri eflaust lítið málað troða Rasberry Pi inní kassann og keyra XBMC

Net Yaroze var alveg alvöru Playstation og því alveg trúverðug. En hinsvegar væri það mjög erfitt paint job, sérstaklega útaf áprentuðu stöfunum á tölvunni.

Hér er eitt besta moddið sem ég hef séð en hann notar innvolsið úr netbook í stað mini-itx.
http://forums.bit-tech.net/showthread.php?t=221710

axyne skrifaði:Væri eflaust lítið málað troða Rasberry Pi inní kassann og keyra XBMC

Þú segir nokkuð. Hafði ekki dottið það í hug.

upg8 skrifaði:Net Yaroze var alveg alvöru Playstation og því alveg trúverðug.

Bæði satt og rétt en þetta var afskaplega takmarkað upplag miðað við þessar venjulegu gráu og fæstir vita af þeim. Mjög flottar samt.

það er kanski mögulegt troða mini-itx með amd örgjafi inn i þessu. amd vegna þess að þau eru með öflugasti innbygða skjákjarnin.

upg8 skrifaði:Hér er eitt besta moddið sem ég hef séð en hann notar innvolsið úr netbook í stað mini-itx.
http://forums.bit-tech.net/showthread.php?t=221710

Ég er búinn að liggja soldið yfir þessum þræði sé tvær hugmyndir sem mér finnst algjör snilld og myndi vilja stela fyrir mitt build. Annars vegar usb í minniskubbaslottinu og hins vegar nothæft dvd drif í stað gamla geisladrifsins. Ég hefði ekki haldið að það væri pláss fyrir svoleiðis einu sinni.

Annar kostur við það sem hann gerir með fartölvuborðið er að það er hægt að koma öllum tengingum fyrir meira discreetly sem hentar mínum hugmyndum mun betur en mini-itx auk þess sem það er minna um sig sem gefur möguleikann á dvd drifi undir lokinu.

Ég er orðinn nokkuð ákveðinn í að reyna við þetta og auglýsi hér með eftir lítilli fartölvu til að slátra. Þarf ekki að vera öflug, bara nóg til að keyra xbmc og tilheyrandi hikstalaust. Ódýrt er betra.

Lýst vel á það hjá þér. Ef ætlunin er að keyra 1080p myndefni af tölvunni þá mæli ég samt með að þú passir þig á eldri Intel Atom vélum.

1080p hef ég ekkert að gera með fyrr en ég uppfæri sjónvarpið. Allavega ár eða tvö í að það gerist. Þegar þar að kemur þá bara skipti ég út eða smíða inn í nýjann kassa (endalaust af þeim í góða hirðinum og víðar )

Ef einhver er tilbúinn að selja mér nothæfa ferðavél, eða bara innvolsið úr henni endilega sendið mér skilaboð. Ætla að reyna að redda mér dremel eða einhverju sambærilegu fyrir jól og byrja að rífa innan úr PS kassanum.

Væri gaman að frétta eitthvað af þessu case mod hjá þér

Ég mundi ekki vera of bjartsýn. Var með svipaðar pælingar með xbox360 og komst að þeirri niðurstöðu að það væri ekki séns að troða öllu inn í hana. Menn verða að taka það með í reykninginn að þú þarft aflgjafa og HDD til að gera þetta almenilega.

littli-Jake skrifaði:Ég mundi ekki vera of bjartsýn. Var með svipaðar pælingar með xbox360 og komst að þeirri niðurstöðu að það væri ekki séns að troða öllu inn í hana. Menn verða að taka það með í reykninginn að þú þarft aflgjafa og HDD til að gera þetta almenilega.

2.5" SSD og Pico-PSU og/eða utanáliggjandi spennubreytir og málið er dautt..

Að gera þetta almennilega... Er það ekki eins og að þurfa fjallajeppa til að komast uppí Breiðholt?

littli-Jake skrifaði:Ég mundi ekki vera of bjartsýn. Var með svipaðar pælingar með xbox360 og komst að þeirri niðurstöðu að það væri ekki séns að troða öllu inn í hana. Menn verða að taka það með í reykninginn að þú þarft aflgjafa og HDD til að gera þetta almenilega.

Ef þú setur rpi inn í þetta þá þarftu ekki að koma aflgjafa inn í þetta.

Og ef þú ferð aðra leið þá eru til minni aflgjafar en þessir hefðbundnu ATX.

Verð að viðurkenna að það hefur lítið gerst í þessu. Jólin tóku meiri tíma en ég gerði ráð fyrir og svo bara hreinlega gleymdi ég að skoða þetta betur þegar ég kom aftur í bæinn eftir áramótin...

Hafði alltaf í hyggju að nota bara utanályggjandi spennubreyti og SSD. Ég opnaði tölvuna fyrir jól og er nokkuð viss um að það komist allt fyrir sem þarf. Ef ekki, þá kemst það bara samt fyrir

Ég er kominn með grófa áætlum um hvernig ég ætla að gera þetta sem hljómar nokkurn vegin svona:

Step one: Rífa innan úr kassanum
Step two: ???
Step three: Profit!

upg8 skrifaði:Að gera þetta almennilega... Er það ekki eins og að þurfa fjallajeppa til að komast uppí Breiðholt?

Ef þú ert að spá í að gera hlutina almennilega er fyrsta skrefið að fara ekki nálgæt breiðholtinu.

KermitTheFrog skrifaði:

littli-Jake skrifaði:Ég mundi ekki vera of bjartsýn. Var með svipaðar pælingar með xbox360 og komst að þeirri niðurstöðu að það væri ekki séns að troða öllu inn í hana. Menn verða að taka það með í reykninginn að þú þarft aflgjafa og HDD til að gera þetta almenilega.

Ef þú setur rpi inn í þetta þá þarftu ekki að koma aflgjafa inn í þetta.

Og ef þú ferð aðra leið þá eru til minni aflgjafar en þessir hefðbundnu ATX.

Hvað er þetta rpi sem menn eru endalaust að nefna hérna?

Ef þú hefur pening til þess að henda í þetta þá gætirðu farið í svona vél http://tolvutek.is/leita/brix
til þess að setja inní PS vélina.

Afhverju ertu að leita að fartölvumóðurborði en ekki litlu venjulegu móðurborði? Hefurðu skoðað Raspberry Pi?