spjallid.is

Ég er með gamlan síma sem er með gömlu íslensku símatengi eins og er á myndinni fyrir neðan. Þetta eru símatengi sem voru bara notuð á Íslandi og í Svíþjóð eftir því sem ég kemst næst.

Pælingin var að gera eitthvað sniðugt við símann en flest af því sem ég myndi gera kerfst þess að hafa RJ11 tengi ("símatengi"). Ég finn enga skematík fyrir hvernig þessi gömlu tengi eru en það er örugglega einhver hér sem veit það. Er þetta ekki bara spurning um að klippa gamla tengið af og raða fjórum vírum rétt inn í RJ11 tengi?

Og annað; án þess að vita mikið um síma grunar mig að það sé hægt að nota flesta gamla síma sem nútíma netsíma með analog breytigræju / ATA boxi (eitthvað eins og þetta). Hefur einhver gert þetta og getur deilt reynslunni?

Ég held að það sé ekki hægt að nota skífusíma við svona græjur. Það hefur eitthvað að gera með það hvernig skífusímar eru gerðir. Þarf ekki að gilda um alla skífusíma en svona skífusímar af ákveðnum aldri alveg örugglega.

Það eru bara tveir vírar sem skipta máli. Í dag eru þeir hvítur og blár. Veit ekki hvernig þeir voru á sínum tíma.

Svona ætti að virka fínt með ATA boxi eftir því sem ég best veit, en þarft að hafa slíkt sem styður pulse dialing til að það virki að hringja út með honum.

Vírarnir sem skipta máli, ef ég man rétt, eru tengdir í neðri tvo pinnana, þeir eiga að vera í miðjunni á rj11/12 tenginu.

Samkvæmt skjölin þá ætti þetta ATA box að styðja pulse dialing, það þarf bara að virkja það.

Og þú býrð í miðbænum ?

thorhs skrifaði:Samkvæmt skjölin þá ætti þetta ATA box að styðja pulse dialing, það þarf bara að virkja það.

Snilld, takk. Eftir að hafa gúglað þetta dálítið virðast vera fullt af ATA boxum sem styðja pulse dialing.

jonsig skrifaði:Og þú býrð í miðbænum ?

Nei, maður þarf bara að vera byrjað að leiðast lífið nægilega mikið til að fara að pæla í einhverri svona vitleysu. Það hjálpar að búa í úthverfi.