spjallid.is

Sælir drengir,

síðustu vikur er ég búinn að vera að dúlla mér við að smíða vefinn Laptop.is, þar sem leita má eftir fartölvu út frá eiginleikum, s.s. skjástærð, örgjörva, vinnsluminni o.s.frv.

Ég er þó í vandræðum með útlitið á síunni, þ.e. hún er svo svakalega stór og yfirþyrmandi, langaði því að biðja þá sem nenna um að líta á síðuna og gefa mér feedback og jafn vel hugmyndir um hvernig ég geti gert hana mínimalískari, án þess þó að nokkuð "týnist".

Var aðeins búinn að leika mér með collapse, þ.e. að einhverjir fítusar væru lokaðir nema smellt væri á hausinn, en plássið sem sparaðist var svo lítið að mér fannst ekki taka því.

Annars megiði endilega einnig gefa mér almennt feedback, hvort þið verðið varir við einhverjar villur eða eitthvað sem mætti betur fara

Bestu kveðjur,
Klemmi

Mér finnst þessi síða bara einföld og þæginleg. Ég sé ekki í fljótu bragði hvernig þú getur einfaldað hana án þess akkurat að eitthvað týnist eða hún verði óaðgengilegri fyrir vikið.

Þetta er bara helvíti fínt hjá þér. Það mætti e.t.v. minnka aðeins fyrirsögnina, þ.e "Leitarvélin Laptop.is hjálpar þér að finna fartölvuna!" eða jafnvel bara færa hana upp í svarta borðann. Þá fær aðalatriðið á vefnum aðeins meira pláss og færist ofar.

Algjör snilld !

Haha var að prófa leita að sæmilegri vél, svipað heimilisturninum. 17" 16GB 500GB SSD ... ein niðurstaða ... litlar 889þ.kr

Snilldar síða til að sjá hvað verðin á fartölvum hjá Tölvutek og Ódýrið virðist vera nákvæmlega það sama uppá aur nema á þessari einu sem Tölvutek hefur umfram. Einhver verslun stendur allavegana ekki undir nafni í þessum vöruflokk.

Þetta er nú bara helvíti flott !

Þetta er mjög öflugt og töff. Ég sé samt erfiðlega hvernig þú getur gert hana minimalískari án þess að tapa virkni.

Tvær hugmyndir sem gætu virkað.
Einfalt / Fullt viðmót valmöguleiki. Gætir endað með laglegra andlit á síðunni og gert auðveldara fyrir óvana að leita. Nördar ráða alveg við að smella á einn hnapp fyrir fulla viðmótið.
Smellanlegir eiginleikar í niðurstöðu til að filtera nánar gætu líka hjálpað.

Virkilega flott síða hjá þér, gerir leitina að réttu fartölvunni svo mikið þægilegri.

Ég ætla ekkert að segja til um hvernig þú gætir lagað útlitið, en það mætti vera "hreinsa" hnappur einhver staðar

þetta er gargandi snilld!
ekki að ég sé í fartölvu hugleiðingum akkúrat núna, en ég mun pottþétt nota þessa síðu og segja öðrum frá henni þegar kemur að fartölvu kaupum

Flott hjá þér klemmi!
Til hamingju með vefinn.

hagur skrifaði:Það mætti e.t.v. minnka aðeins fyrirsögnina, þ.e "Leitarvélin Laptop.is hjálpar þér að finna fartölvuna!" eða jafnvel bara færa hana upp í svarta borðann. Þá fær aðalatriðið á vefnum aðeins meira pláss og færist ofar.

Þakka þér Fjarlægði "Leitarvélin" og minnkaði restina af fyrirsögninni, borðinn endar "vonandi" sem auglýsingapláss einhvern daginn

urban skrifaði:Ég ætla ekkert að segja til um hvernig þú gætir lagað útlitið, en það mætti vera "hreinsa" hnappur einhver staðar

Þakka ábendinguna, steingleymdi því!

Er komið inn núna

Tvennt sem ég vill sjá HTML title og favicon.

Líka spurning hvort að takkar séu endilega málið og hvort að "checkbox" einsog nákvæma leitin hjá bilasolur.is er að nota væru nettari.
Þá væri hægt að raða td. verslunum lóðrétt. Annars má athuga það að gera clicked state meira áberandi.

Bara pælingar annars er þetta þrusuflott leitarvél

zedro skrifaði:Tvennt sem ég vill sjá HTML title og favicon.

Líka spurning hvort að takkar séu endilega málið og hvort að "checkbox" einsog nákvæma leitin hjá bilasolur.is er að nota væru nettari.
Þá væri hægt að raða td. verslunum lóðrétt. Annars má athuga það að gera clicked state meira áberandi.

Bara pælingar annars er þetta þrusuflott leitarvél

Var einmitt að vinna í favicon í þessum orðum töluðum Smellti title einnig inn, þakka þér fyrir ábendinguna og fallegu orðin

Ég var búinn að prófa mig aðeins áfram með aðrar týpur af inputtum en endaði á tökkum, þarf þó að skoða það aftur og betur þegar ég hef tíma. Annars er það góður punktur að toggled state-ið er kannski ekki nægilega áberandi, skoða hvort ég skelli einhverjum öðrum lit en gráum á það t.d.

Þetta er glæsilegt hjá þér,

Ég myndi bæta við plássi fyrir neðan niðurstöðurnar, footer ekkert spes bara smá.
Og svo slíta í sundur leitarskilyrðin og niðurstöðurnar.

Ég held að þetta gæti orðið vinsælt.

Mjög flott!
Persónulega er ég hrifnari af því að hafa criteriurnar á hliðinni sbr þetta: http://us.toshiba.com/computers/laptop- ... 4294963316

Þeas þurfa ekki að skrolla upp og niður til að sjá niðurstöður ef ég breyti einhverri einni criteriu. Etv smáatriði í mér en all in all er þetta flott.
Spurning um að hafa Hybrid í stað SSHD en þú reyndar útskýrir hvað SSHD er í upplýsingunum.

Mikið er þetta flott framtak

Ég er samt að pæla, ég er að fíla að hafa þessa takka mér hefur stundum fundist soldið fráhrindandi að þurfa að haka alltaf í allt sem ég er að leita af á bílasölur.is

Kannski geturu haft takkana minni?

Virkilega flott framtak! Frábært að geta flokkað eftir þeim hlutum sem maður er helst að leita eftir í tölvu. Sparar hellings tíma og hausverk að fletta öllum síðum fyrirtækjanna.

Fannst eitt merkilegt þegar ég var flokka og skoða að það séu ennþá nýjar tölvur í sölu með gamalt hardware eins og 3ju kynslóð Intel örgjörva.

Flott síða. Er ekki husverkur að viðhalda þessu ?

Ætti að vera til svona síða fyrir allar vörur
Að finna rétta sjónvarpið væri þá einfaldara

fedora1 skrifaði:Flott síða. Er ekki husverkur að viðhalda þessu ?

Ætti að vera til svona síða fyrir allar vörur
Að finna rétta sjónvarpið væri þá einfaldara

Ég lagði upp með að automate-a þetta eins mikið og hægt væri, án þess að það kæmi niður á gæðum gagnanna

Skrifaði því scraper sem keyrir daglega og fer yfir þær verslanir sem ég set inn og sækir url, myndaurl, lýsingu, vörunúmer (þar sem það kemur fram) og verð. Þessar upplýsingar eru svo bornar saman við þær tölvur sem eru nú þegar komnar í gagnagrunninn.
Við samanburðinn eru þær tölvur sem fundust í síðasta scrape-i en finnast ekki núna merktar inactive en verð uppfært á þeim sem eftir standa.
Síðan er nýjum tölvum bætt í grunninn, þar á meðal eru myndir sóttar og minnkaðar, og tölvurnar strax merktar inactive því ég þarf að fara yfir þær og merkja inn eiginleikana, þ.e. stærð, örgjörva, vinnsluminni o.s.frv. þar sem að ég treysti mér ekki til að láta scraperinn grípa það með 100% öryggi, sökum þess að uppsetningin er ekki stöðluð hjá síðunum, auk þess sem stundum eru ekki einu sinni allar nauðsynlegar upplýsingar á vörusíðunum sjálfum. Þessar upplýsingar fyllast þó sjálfkrafa inn ef það er önnur tölva í grunninum til með sama vörunúmer.

Það var því mest vinnan við að setja allar tölvurnar inn í fyrsta skiptið, sat sveittur líklega í 5 tíma non-stop að rúlla í gegnum allar tölvurnar og setja eiginleikana á þær. Núna bætast kannski við 1-3 tölvur við hverja keyrslu og því tekur það mig 2-3 mínútur að merkja þær rétt og synca við síðuna sjálfa

Svo er fróðlegt að sjá hvað fólk skoðar, þ.e. ég nota Google Analytics til að sjá á hvaða linka er smellt, og það eru greinilega sumar tölvur vinsælli en aðrar. Flestir smellir fara á dýrustu vélina, þ.e. 890þús króna vélina hjá Nýherja

Í hverju er þetta skrifað?

Má ég deila þessu á facebookið mitt?

hagur skrifaði:Í hverju er þetta skrifað?

Scraperinn og öll samskipti við gagnagrunninn (PostgreSQL) eru í Python, nota BeautifulSoup library-ið til að scrape-a. Læt svo Python spíta út úr sér javascript skrá sem inniheldur JSON object með "gagnagrunninum", vafið inn í AngularJS. Þar með þarf ég bara að pusha þeirri skrá inn á Github (nota Github pages til að hýsa) og uppfærð gögn eru komin live

Viðmótið er s.s. AngularJS og augljóslega Bootstrap.

flottur skrifaði:Má ég deila þessu á facebookið mitt?

Alveg endilega

Glæsilegt, til hamingju!

Hefurðu íhugað að geyma verðin upp á að eiga verðsögu, gæti verið fróðlegt hliðarverkefni.