spjallid.is

Sælir/Sælar

Ég á c.a. fjögurra ára gamla Lenovo fartölvu, en viftan er orðin talsvert ofvirk, líklega vegna rykuppsöfnunar. Ég hef öðru hvoru blasið smá lofti inn í hana með þartilgerðum brúsa, en alltaf er viftan á fullu.

Mig langaði að vita hvort það meikaði sens að ég opnaði hana sjálfur og rykhreinsaði, frekar en að borga Nýherja 20k, eða einhverjum öðrum 10k sem ég veit ekkert um hvort sé kunnáttumaður.

Mín litla/meðallitla tölvuþekking er öll á hugbúnaðarsviðinu. Er enginn kunnáttumaður á vélbúnað. Reyndi einhvern tímann að opna Dell risaeðlu, en það virtist aðeins flóknara en að bara losa nokkrar skrúfur. Varð á endanum að hverfa frá verkinu.

.

Svona gamla vél væri gott að taka í sundur rykhreinsa vel og skipta um kælikrem. Smá forvitni, hvaða týpa er þetta T60 - T61 - R týpan eða ?

Þetta er pínkulítil Thinkpad Edge fartölva.

Ég hef verið að taka í sundur fartölvur og gera við í nokkuð mörg ár, lengi Dell tölvur en sl. ~3 ár oftast Lenovo vélar, mér finnst þetta mjög einfalt og það er gott að gera við Lenovo tölvurnar ekkert mál að taka þær í sundur. Best er að hafa tíma, vera skipulagður, hafa góða aðstöðu (borðstofu / eldhúsborð) gott ljós og gott skrúfjárn.
Finnur auðveldlega hjálpar myndbönd á youtube ef þú leitar.

besta ráð sem ég get gefið þegar verið er að taka í sundur ferðavél, er það, að hafa nokkur hvít blöð fyrir framan sig, teikna "layoutið" á vélinni, og merkja inn með hringjum allar skrúfurnar, svo þegar byrjar að losa þær að setja þær á merkta staði, svo þegar ert kominn inn fyrir skelina, að teikna það sem sérð á næsta blað og svo koll af kolli..