spjallid.is

Sælir

Er að vesenast í internetmálum í húsi sem við vorum að kaupa. Þannig standa mál að ljósleiðaraboxið er í bílskúrnum og þráðlaust samband í íbúðina afar slæmt (þykkir steypptir veggir á milli). Er með nokkuð magn af gömlum coax rörum sem ég hafði hugsað mér að draga netkapal í til þess að koma routernum inn í íbúð. Skilst að fólk sé að stilla upp swtich til þess að hoppa með snúrur út um hús en er heldur grænn í þessum málum. Þekkir einhver til sniðugra lausna í þessum málum?

Dró cat6 kapal um coax rör frá töflu (í bílskúr) og inn í stofu en kapallinn virkar ekki. Það er heldur kröpp beygja á rörinu og stíft að draga í það, datt í hug hvort kapallinn hafi skemmst þegar hann var dreginn í - eru cat6 ídráttarkaplar viðkvæmari en venjulegar cat5 netsnúrur? Sá á eldri þráðum umræðu um að það gæti verið mikil kúnst að tengja tengi á cat6 ídráttarkapal, einhver með heilræði í slíku verkefni?

Skilst svo á Gagnaveitunni að ekki sé hægt að tengja cat6 kapal í ljósleiðarabox, það þurfi að vera cat5 kapall en taldi nokkuð víst að það skipti ekki máli hvort væri notað.

Öll ráð vel þegin.

ZonnicSo skrifaði:Skilst svo á Gagnaveitunni að ekki sé hægt að tengja cat6 kapal í ljósleiðarabox, það þurfi að vera cat5 kapall en taldi nokkuð víst að það skipti ekki máli hvort væri notað.Öll ráð vel þegin.

Rétt hjá þér. Sennilega hefur kapallinn orðið fyrir hnjaski - tengin geta líka verið vandamálið. Þú getur alltaf dregið hann úr til að yfirfara kapalinn og bundið spotta við hann svo þú hafir spotta í rörinu.

Stundum þarf feiti og alls ekki verra ef hægt er að draga hann og lempa samtímis - þá einn maður (eða kona) á sitthvorum endanum einn að ýta og einn að toga.

ZonnicSo skrifaði:Skilst svo á Gagnaveitunni að ekki sé hægt að tengja cat6 kapal í ljósleiðarabox, það þurfi að vera cat5 kapall en taldi nokkuð víst að það skipti ekki máli hvort væri notað.

Algjörlega rangt. Cat-6 kapall ætti að virka.

Áttu töng til þess að klemma RJ45 tengi? Er líka hægt að fá tengi sem þarf ekki töng fyrir.

Er með töng til að klemma, virðist samt ganga erfiðlega að koma RJ45 tenginu í gagnaveituboxið (passar illa) en smellur í routerinn. Er einhver kúnst við að tengja svona tengið á kapalinn annað en að pressa vírana vel í tengið og passa að þeir fari allir á sinn stað?

Það eru líka til mælar sem mæla hvort tengingin sé í lagi. S.s athugar pörin.

Ef þú ætlar að draga margar snúrur og tengja mikið gæti svona græja verið hjálpleg:
https://www.oreind.is/product/lan-tester-68856/

Ég fékk mér svona þegar ég var í svipuðu brasi.

edit: great minds!

Ég myndi mæla með að þú settir fasta tengla, ekki kubb á vírana. Setja svo stuttar verksmiðjuframleiddar snúrur úr tengli í ljósleiðarabox annars vegar og úr tengli í router hins vegar.

Ég er búinn að gera þetta við bæði íbúðirnar og núna húsið mitt, það er algjörlega nauðsynlegt að mæla alla kapla með mæli eins og Gislos bendir á...

Hef heyrt frá rafvirkjum að cat6 sé algjört drasl, þola ekki neitt annað en að vera þráðbeinir.

BudIcer skrifaði:Hef heyrt frá rafvirkjum að cat6 sé algjört drasl, þola ekki neitt annað en að vera þráðbeinir.

Það er nú bara mesta kjaftæði.

Ekkert að Cat6 en Cat5e en meira en nóg fyrir mest alla notkun í dag inn á heimilum.

Kv rafvirki.

BudIcer skrifaði:Hef heyrt frá rafvirkjum að cat6 sé algjört drasl, þola ekki neitt annað en að vera þráðbeinir.

Ég hef verið að draga CAT6 hjá mér útum allt, sveigjur og þröngar beygjur og allt svínvirkað. Hef ekki tekið eftir muni á milli cat5 og cat6.

Kannski rétt að nefna það líka að við heimilisaðstæður eru mýmörg dæmi um að menn nái 10Gbps yfir cat5e

Ef þú átt fjölmæli og hefur ekki aðgang að cat kapla tester þá geturu prófað að tengja saman pörin á öðrum enda og mæla leiðnina í þeim á hinum endanum með fjölmælinum.

Gislinn skrifaði:Ef þú átt fjölmæli og hefur ekki aðgang að cat kapla tester þá geturu prófað að tengja saman pörin á öðrum enda og mæla leiðnina í þeim á hinum endanum með fjölmælinum.

Það er mjög sniðugt. Hefði sjálfur ekki fattað að gera þetta.