Tengja Xiaomi Mi Box beint við GR Genexis ljósleiðaraboxið

[beatmaster]

Ég tók þá góðu ákvörðun af fjárfesta í Xiaomi Mi Box Android TV frá Nova og sagði upp leigunni á Vodafone TV sem að ég var með.

Ég er með 1GB ljósleiðaratengingu frá Hringdu og er með Genexis box frá Gagnaveitunni, routerinn minn er tengdur við Port 1 og Vodafone TV boxið var tengt á porti 3 (það eru 4 port á boxinu)

Mér skilst að ég geti tengt allt að þrjú tæki við Genexis boxið en mig rámar í gamlar umræður um að það sé ekki gáfulegt að nettengjast beint í Gagnaveitu boxið því að það sé enginn eldveggur þar þannig að ég var að spá í hvort að einhver hér vissi eitthvað um það hvernig þetta er í dag, væri í lagi að tengjast beint eða er það algjört No no, það væri bara svo þægilegt því að ég er með snúrurnar klárar ef að ég get gert það en þarf annars að fara í eitthvað vesen með að rífa upp lista og leggja nýja Cat strengi.

Ástæðan fyrir því að ég er með Mi Boxið snúrutengt er að ég er með boxið undir innréttingu hjá mér og Wifi-ið er ekki nógu gott fyrir mína notkun, ég þurfti að restarta bæði boxinu og router næstum því á klukkutíma fresti til að ná netinu aftur inn þangað til að ég gafst upp og tengdi USB netkort við boxið og allt virkar fínt snúrutengt, líka gott því að ég er með Kodi á boxinu og streymi efni af server á innanhúss LAN og næ því 1GB LAN tengingu.

Hvað segið þið um þessar pælingar?

[hagur]

Afhverju tengirðu ekki Mi Boxið bara í routerinn? Ef þú tengir beint í ljósleiðaraboxið þá er Mi boxið galopið út á netið og algjörlega óvarið.

[beatmaster]

Ég var að spá í þessu því að það er einfalt Plug and Play að tengja beint í boxið, Routerinn er bara tveggja porta og eru þau bæði í notkun.

Ég var svona aðallega með pælingar hvort að það væri en þá þannig að GR boxið væri alveg galopið á netið eða hvort að þetta hefði eitthvað breyst.

[einarth]

Þetta er eins - við viljum ekki hafa neinar lokanir í ljósleiðaraboxinu svo menn geti notað allar þær þjónustur sem þeir kjósa. Hver útfærir svo sitt öryggi með eigin búnaði.

Þekki ekki þetta box - en mögulega er það nokkuð lokað úr kossanum fyrir umferð inná sig.

[Viktor]

Ég var að spá í þessu því að það er einfalt Plug and Play að tengja beint í boxið, Routerinn er bara tveggja porta og eru þau bæði í notkun.

https://att.is/product/trendnet-5-porta-gigabit-swith