Nú sárvantar mig ykkar ráðleggingar varðandi það hvaða möguleikar eru í stöðunni (bestu möguleikarnir) fyrir einstakling í tengslum við það að leigja aðstöðu fyrir netþjón í góðum sal/tækjasal/gagnaveri eða hvaða nafn skal nota svo rétt orðalag sé notað.
Það sem mig vantar því einfaldlega er hýsing fyrir netþjón sem mun í meginatriðum hýsa 1x stk. vefsíðu (www.vefslóð.is/semdæmi) og þ.a.l. þurfa að keyra þær þjónustur sem þar að lúta (hef ekki ákveðið nákvæmlega hvernig því verður hagað). Jafnframt mun hann verða nýttur sem gagnageymsla fyrir talsvert magn gagna sem þurfa að vera aðgengileg fyrir afmarkaðan (um 15 manna hóp) fólks þar sem við erum að vinna að viðamiklu loka- og útskriftarverkefni frá bæði HÍ sem og aðrir einstaklingar erlendis frá sambærilegum háskólum - þannig að um er að ræða remote access að gagnasafninu, hvaða leið svo sem verður valin til að gera aðgang að og vinnslu gagnanna sem auðveldasta fyrir jafnvel þá sem búa yfir lágmarks tölvuþekkingu.
Þar sem við höfum unnið að fyrrnefndu verkefni í um tvo mánuði núna, og erfiðlega hefur gengið að nota þær þjónustur sem boðið er upp á af hálfu skólanna sjálfra - að þá ákvað ég að prófa að fara þessa leið til að auðvelda okkur vinnslu þessa verkefnis auk þess að sjálfsögðu að læra enn betur inn á umsjón með netþjónum sem þessum sjálfur samhliða. Líklegt er að þjónninn myndi keyra eitthvert server distro af Linux og uppfyllir vélbúnaðurinn að öllu leyti þau skilyrði sem sett eru fyrir hýsingu í tækjasölum sem þessum (ISO vottaðir o.fl.).
Núna vantar mig innilega ykkar ráðleggingar um hvernig best er fyrir mig að snúa mér í þessu, við hvaða þjónustuaðila er þægilegast að eiga samskipti og hvar þjónustan er með því skársta sem gerist.
P.S.: ekki hika við að koma með hvers konar comment, ráðleggingar, skammir eða hvaðeina sem ykkur dettur í hug í sambandi við þetta hjá mér.
Ástarkveðjur og kærar þakkir fyrir öll ykkar innlegg hér!
