Tölvunarfræði: HR vs. HÍ / Á hverju á ég að byrja?

[Viktor]

Sælir.
Er að sækja um í HÍ og HR á tölvunarfræðibraut og mig langaði að forvitnast hverjir væru styrkir og veikleikar hvers skóla?
Vona að þið hafið skoðun á þessu, ég stend alveg á gati.

edit:
Mig langar líka að nýta tímann í sumar til að búa mig undir námið og byrja að læra einhverja forritun, með hverju er mælt að byrja á að læra?

[Daz]

Þú útskrifast með sömu gráðuna, ef þú leggur þig mikið fram ættirðu að útskrifast jafn "tilbúinn". Munurinn er verðið

[Viktor]

Hef heyrt sögur um að það sé svo forneskjulegt nám við HÍ, en að HR sé meira í nútímanum... veit ekki hvað er satt í þessu.

[Eiiki]

Ég var að velta þessu fyrir mér um daginn með Tölvunarfræðina HÍ vs. HR. Ég fékk margar misjafnar tillögur og fannst mér sú besta að skoða bara nákvæmlega hvern einasta kúrs sem kenndir eru í tölvunarfræðinni í HR og svo í HÍ. HÍ er meira javamiðaðri skóli og HR er betur sneiddur að atvinnulífinu.
En á endanum ákvað ég að skella mér í Rafmagns- og tölvunarverkfræði sem er bara kennd í HÍ

[Dagur]

Kennslan í HÍ er fræðilegri og hefur slatta af nördalegum (þ.e. skemmtilegum) kúrsum. Það er samt allt of lítil forritun að mínu mati.

HR gerir þig meira tilbúinn fyrir atvinnumarkaðinn og það er mikið um hópverkefni og forritun. Þegar farið er út í masternám er HR líklega betri, enda stór nöfn að kenna þar.

Ég held að báðir kostirnir séu mjög góðir. Það skiptir nákvæmlega engu máli úr hvorum skóla þú útskrifaðist þegar það kemur að því að leita að vinnu (auk þess sem það er skortur á forriturum). Ég mundi velja HÍ persónulega út af því að það er bara miklu ódýrara.

(Þetta eru bara mínar skoðanir. Ég er með BSc frá HÍ þannig að mitt álit gæti litast af því)

[Viktor]

Þakka svörin.
Langar að byrja að læra forritun almennilega í sumar, á hverju á maður að byrja?

[gardar]

C++

[dori]

Þakka svörin.
Langar að byrja að læra forritun almennilega í sumar, á hverju á maður að byrja?

Scheme hérna eru líka fín vídjó... http://groups.csail.mit.edu/mac/classes ... -lectures/

[Dagur]

Python er fullkomið sem fyrsta mál. Það er einfalt að læra grunninn en svo er það líka hlutbundið (og hlutbundin forritun virðist vera það sem vefst mest fyrir byrjendum). Það fylgir svo mikið af aukadóti með því að þú getur farið að búa til skemmtileg forrit frá fyrsta degi.

Ég mæli alls ekki með C++ vegna þess að þú þarft að fara svo djúpt í það áður en þú byrjar að gera eitthvað að viti í því. En það er alveg frábært að kunna það þegar þú er kominn með grunninn í forritun í einfaldari málum.
Scheme er skemmtilegt mál en hefur voðalega lítið notagildi. Þú gætir lært lisp sem er mjög svipað en ég sé ekki mikinn tilgang með því heldur. Best að læra að ganga áður en maður byrjar að hlaupa.

[benson]

C++

Byrjaðu á C++, sérstaklega ef þú ætlar í HR. Passaðu þig samt að leiðast ekki í Forritun 1 því hún byrjar sjúúúúúklega hægt og er hundleiðinleg fyrst.

[KristinnK]

Ég byrjaði sjálfur í C. Málið er í sjálfu sér nauðalíkt C++, og er það langbesti grunnurinn. Aðrir byrja í Java, en ég er persónulega ekki mjög hrifinn af því máli. Ég myndi ekki byrja í mjög high-level máli eins og Python eða Lisp.

[jonrh]

Ekki láta verðmiðan flækjast fyrir þér. Samanlögð skólagjöld fyrir 3 ára BSc nám í HR verða sirka 2-4x mánaðarlaun ef þú ferð síðan strax að vinna. Ég fór í HR og fyrir mitt leiti þá hefði ég ekki vilja sleppa 3 vikna verklegu kúrsunum, algjör snilld (12 + 3 vikna önn). Tók einusinni 15 vikna önn og það var skelfilegt, enda gerðu nemendur og kennarar tölvunarfræðinnar í HR uppreisn þegar það átti að setja allar deildir á 15 vikur á haustin.

Hvað varðar forritunarmálið, HÍ kennir Java sem fyrsta forritunarmál svo ef þú tekur það þá ertu með smá forskot.