Í greininni er ég að setja upp kerfið í sýndarvél með hjálp VirtualBox og ég mæli með ef þið eruð ekki alveg viss með að setja Ubuntu upp á tölvunni að þá prufiði það fyrst sem sýndarvél og sjáið hvernig ykkur líkar það.
Þið getið náð í nýjustu útgáfuna af Ubuntu á Huga. PC (Intel x86) er 32-bita og svo er PC (AMD 64) 64-bita útgáfan.
Tvær bestu leiðirnar að mínu mati til að setja upp Ubuntu er annaðhvort að keyra installið af geisladisk eða USB-lykli en ég mun ekki fara nánar út í það. Þá sem vantar upplýsingar um hvernig það er gert skulu nota, vin okkar allra, Google.
En áfram með smjörið...
- Tungumál uppsetningar
- Mynd1.JPG (93.94 KiB) Skoðað 15803 sinnum
Þarna ýtum við á Install Ubuntu, nema þið viljið prófa kerfið fyrst með því að keyra það beint af LiveCD og skoða það þannig. Mæli svosem alveg með því en áttið ykkur á því að það er skiljanlega aldrei eins hratt og ef þið væruð að keyra það af harða disknum eftir install.
- Undirbúningur uppsetningu
- Mynd2.JPG (104.61 KiB) Skoðað 15802 sinnum
Hérna ráðið þið því hvort þið hakið í boxin tvö en ef þið viljið getað byrjað að nota kerfið að fullu strax að þá mæli ég með að þið hakið í neðra boxið. Nú ef þið hafið sömu lífsreglur og Richard Stallmann, allir búnir að googlea?, að þá hakið þið að sjálfsögðu ekki í þetta box og getið svo sjálf fundið út hvernig þið spilið hljóð- og myndbandaskrárnar ykkar.
Efra boxið útskýrir sig sjálft en ef þú hakar í það þá nær Ubuntu í uppfærslur á meðan á uppsetningu stendur. Persónulega hef ég ekki hakað í það svo að uppsetningin gangi hraðar fyrir sig og þá næ ég í þessar uppfærslur þegar ég keyri kerfið í fyrsta sinn og get þá tweakað það á meðan.
- Velja partition aðferð
- Mynd3.JPG (49.61 KiB) Skoðað 15801 sinnum
Hérna er það aftur svolítið í ykkar höndum hvað þið gerið. Ef að þið hafið partitionað (ákvarðað disksneiðar) áður þá mæli ég að sjálfsögðu með að velja neðra boxið. Ætla ekki að fara nánar útí þá sálma því ég reikna með að þið kunnið það.
Fyrir þá sem ekki hafa fiktað í partition-töflum mæli ég með að velja efri valmöguleikann.
Gætið ykkar samt að með því að velja efri valmöguleikann þá er þurrkað allt af disknum/partitioninu sem þið veljið.
- Velja partition
- Mynd4.JPG (100.72 KiB) Skoðað 15804 sinnum
Þarna þarf að velja hvaða partition á að setja Ubuntu upp á og þá erum við bara good to go að ýta lauflétt á "Install now" hnappinn!
- Velja tímabelti/staðsetningu
- Mynd5.JPG (98.58 KiB) Skoðað 15800 sinnum
Hérna veljiði hvar í heiminum þið eruð staðsett. Smellið bara á Ísland og þá verður klukkan ykkar rétt.
- Velja lyklaborðslayout
- Mynd6.JPG (78.43 KiB) Skoðað 15797 sinnum
Hérna veljiði hvaða lyklaborð þið ætlið að nota. Veljið Iceland í vinstri listanum og svo það sem hentar ykkar lyklaborði í hægri listanum. Flestir velja Iceland möguleikann en þið getið séð hvort að þetta sé rétt lyklaborð með því að skrifa þessa séríslensku stafi í reitinn fyrir neðan listana eins og ég gerði.
- Notandaupplýsingar
- Mynd7.jpg (31.24 KiB) Skoðað 15802 sinnum
(Tekin af ubuntu.com því ég gleymdi að taka screenshot!)
Þessi mynd skýrir sig sjálf!
Setja inn nafn, nafn tölvu, notendanafn, lykilorð, lykilorð og svo veljiði hvort þið viljið "loggast" in sjálfkrafa eða hvort þið viljið alltaf auðkenna ykkur. Ég mæli að sjálfsögðu með seinni valmöguleikanum.
Einnig mundi ég encrypta mína heimamöppu en það er undir ykkur komið hvort þið viljið það (alls ekki nauðsynlegt).
- Install-hamur
- Mynd8.JPG (146.91 KiB) Skoðað 15801 sinnum
Mæli með að þið skoðið myndirnar sem þið getið flett á milli á meðan kerfið er í install-ham og lesið það sem þar stendur því það hjálpar ykkur kannski aðeins að komast af stað
- Lokaskrefið
- Mynd9.JPG (65.99 KiB) Skoðað 15803 sinnum
VOILA!
Þá er bara að smella á Restart Now hnappinn og meðan uppsetningin er að slökkva á sér mun hún segja ykkur að taka diskinn/usb-lykilinn úr drifinu og ýta svo á Enter.
Að sjálfsögðu gerið þið það.
Hér með er þessari grein um uppsetningu á Ubuntu lokið en ætli maður reyni ekki að uppfæra hana með tímanum ef einhverjar fleiri nýjungar verða settar í uppsetningarferlið.
Uppsetningarferlið er frekar breytt síðan að ég var að bauka í þessu fyrst og er þetta svona frekar einfalt, en ég vona þó að einhver hafi not af þessu!
Ég vona að þið hafið haft gagn og gaman af og ég hvet alla til að a.m.k. prófa kerfið í sýndarvél áður en þið ákveðið að það sé ekki fyrir ykkur!
Ef þið eruð í vandræðum þá getið þið leitað ráða í kommentum þar sem ég, og örugglega fleiri, erum til í að hjálpa ykkur.
Ég tek mér það bessaleyfi að eyða öllum off-topic innleggjum enda á það ekki heima hér!
Góðar stundir með Ubuntu!
það er töluvert harðvirkara í ubuntu en virkar ekki eins vel þegar orðið uppsett.
