*Selt* - Lenovo T60p til sölu

[Hörde]

Sælt veri fólkið,

ég er hér með 2007 árgerð af umræddri tölvu, með 2gig af minni, 100gb harðdisk, og 2.33ghz Core 2 Duo (T7600) örgjörva. Skjákortið er ATI FireGL V5250 (workstation útgáfan af X1700 kortunum) og ræður því við CAD/DCC og hvað þau heita öll þessi plug-in. Skjárinn er 1400x1050 og þetta því 14.1 tommu módelið af vélinni.

Þar fyrir utan tók ég vélina í sundur um daginn og gjörhreinsaði hana. Ég skipti um kælikrem á örgjörva, hreinsaði úr viftu og kæliplötu, fór með bakteríudrepandi spritti yfir alla þá hluta vélarinnar sem þola slíkt (þar með talið lyklaborðið og touchpadinn), og henti í uppþvottavélina því sem ég gat. Vélin er því nokkurn veginn eins nýleg og hægt er að fá hana án þess að fara út í stærri aðgerðir. Utanfrá séð er hún eins og ný.

Það eru þó tveir smávægilegir gallar á henni. Annars vegar er batteríið komið til sinna ára, dugir í ca. 1.5 tíma í léttri vinnslu, og skv. PowerManager nær það 39% af upprunalegri hleðslu. Ekki beint í toppástandi sem sagt en vel nothæft. Hins vegar tókst mér að týna lokinu sem fer yfir harðdiskinn, en ég ætti að geta reddað nýju ef fólk treystir sér ekki í það sjálft.

Mér sýnist fólk reyna að selja þessar vélar á 300-500 dollara á Ebay svo ég held það gæti verið ágætis viðmið. Annars eru það bara tilboð.

[doribenz]

hvað segiru um ipot touch + 30 þúsund ?

[gtice]

FYI .. Bæði lok og rafhlöðu má kaupa hjá Nýherja.

[Hörde]

Afsakið, ég hefði átt að vera búinn að breyta nafni þráðarins því vélin seldist í gær.

Takk fyrir áhugann.