Viftur í Molex með adapter

[Swanmark]

Ef að ég kaupi adapter fyrir molex í viftu, þá er hún að keyra stanslaust á 12v, er það ekki? Semsagt alltaf 100% RPM? Annað, viftur sem koma með Corsair kössum, veit einhver eitthvað um þær?(Corsair Vengeance C70 nánar tiltekið).
Hversu hratt geta þær snúist?
Er með tvær svoleiðis, ein intake og ein exhaust, og svo CoolerMaster 412s, viftuna á því, veit ekki hvað það hefur að segja með airflowið .. hjálpar kannski aðeins exhaustinu.
En málið er það að ég er með 280x kort í 99% load 24/7 (crypto currency ftw!) og þessi vél fer uppá loft þar sem að er frekar einangrað .. þessvegna er ég að spá í þessu. Get ég stillt einhvernegin vifturnar í gegnum software þegar þær eru tengdar í móðurborðið?

Svona er þetta núna hjá mér, veit ekki alveg hvað FANIN1 er, ætli það sé ekki bara önnur viftan.. :s

Hvernig get ég maxað þessar viftur? Og hversu hratt geta þær snúist?

[billythemule]

Ég held að viftan geti einungis keyrt á 100% með molex tengi þar sem þessir adapters eru bara með tvær línur áfram (eftir minni bestu vitneskju). Þú þarft 3ja pinnann til þess að geta stjórnað hraðanum og viftan þarf að tengjast beint við móðurborðið. 4 pinna viftur beita nýstárlegri hraðastjórnun en 3 pinnar ættu að duga. Þú átt að geta fundið hraðastillingar í BIOS eða í gegnum speedfan forritið. Ef þú ætlar að nota molex tengið með 2 línum en vilt lækka hraðann úr viftunni geturðu gert smá hack og breytt frá 12v yfir í annaðhvort 7v eða 5v (leiðbeiningar finnast auðveldlega á google). Ég held að CoolerMaster 412s viftan sé 4 pinna og corsair ættu að minnsta kosti að vera 3 pinna, er ekki viss með þær. Kassinn minn var með svona low power viftur (0.1 amper) sem hægt var að stjórna með því að tengja í 4 pinna tengi á móðurborðinu. Þær voru hannaðar til að keyra á 100% og undir 1000 rpm minnir mig (sem er frekar hljóðlágt) þannig að það breytti litlu hvernig ég tengdi þær því ég vildi bara hafa þær áfram á 100%.

2 pinnar = engin stýring,
3 pinnar = voltage stjórnun,
4 pinnar = straumur gefinn í púlsum en alltaf á sama voltage (ef móðurborðið hefur upp á þetta að bjóða).